Rusiya agentləri Ukrayna Təhlükəsizlik Xidməti adından ukraynalıları aldadır
Ukrayna Təhlükəsizlik Xidməti (SBU) Rusiya xüsusi xidmət orqanlarının Ukrayna vətəndaşlarını aldatmaq və işbirliyinə cəlb etmək məqsədilə yeni taktikalardan istifadə etdiyini açıqlayıb.
Crossmedia.az SBU-nun yaydığı məlumata əsasən xəbər verir ki, son dövrlərdə Rusiya agentləri özlərini təhlükəsizlik xidməti əməkdaşları kimi təqdim edərək, vətəndaşlara “dövlət maraqlarına xidmət edən” görüntüsü altında əslində cinayət xarakterli tapşırıqlar verməyə çalışırlar.
Xüsusi xidmət orqanı bu fəaliyyətlərin “yalançı bayraq” (false flag) adlanan manipulyativ əməliyyat texnikasının tərkib hissəsi olduğunu və bunun artıq sistematik şəkildə həyata keçirildiyini vurğulayıb.
SBU vətəndaşları ehtiyatlı olmağa və bu kimi hallarla rastlaşdıqda dərhal hüquq-mühafizə orqanlarına məlumat verməyə çağırıb.
20:26 05.06.2025
Oxunuş sayı: 9057
