Xarici xəbərlər
Paşinyandan sərt bəyanat: “Robert Koçaryan rüşvətxordur!”
Ermənistanın Baş naziri Nikol Paşinyan ölkənin sabiq prezidenti Robert Koçaryanla bağlı sərt açıqlama verib.
Crossmedia.az xəbər verir ki, Paşinyan Koçaryanın rüşvətxorluqla bağlı ittihamlar üzrə məhkəməyə müraciət edərək işin iddia müddətinin başa çatması ilə əlaqədar bağlanmasını xahiş etdiyini bildirib.
“Bu isə o deməkdir ki, o, faktiki olaraq rüşvətxorluğu etiraf edib. İndi ölkəmizin məhkəmə sistemində Ermənistanın ikinci prezidentinin rüşvətxor olduğu rəsmən qeyd olunub”, – deyə Paşinyan vurğulayıb.
Baş nazir əlavə edib ki, bundan sonra çıxışlarında Robert Koçaryanın adını çəkərkən “rüşvətxor” ifadəsini işlədəcəyini açıq şəkildə bəyan edir:
“Qoy məhkəməyə versinlər! Bundan sonra hər dəfə çıxışlarımda Robert Koçaryanın adını çəkəndə deyəcəyəm: rüşvətxor Robert Koçaryan…”
19:42 05.06.2025
Oxunuş sayı: 1173
