KİV: ABŞ Rusiya ilə bağlı səhvini düzəldir? - Sensasional addım
ABŞ-də Rusiyaya qarşı sərt mövqe nümayiş etdirən siyasi qüvvələr prezident Donald Trampın mümkün qayıdışı fonunda yeni sanksiyaların gündəmə gətirilməsinə təzyiqləri artırır. Qanunverici dairələrdə Rusiyaya qarşı 500%-lik tariflərin tətbiq edilməsi təklifi müzakirə olunur.
Crossmedia.az xarici mediaya istinadən bildirir ki, Senatda “sərt mövqeli” qanunvericilər Moskva ilə ticarət edən ölkələrə qarşı yüksək gömrük rüsumlarının tətbiqinə nail olmağa çalışırlar. Əgər bu təşəbbüs qəbul olunarsa, Donald Tramp bu qərarı icra etməyə məcbur qala bilər.
Məlumatda qeyd olunur ki, Trampın öz siyasətində əvvəlki dövrlərdə Rusiya ilə bağlı daha yumşaq mövqelər sərgiləməsinə baxmayaraq, bu dəfə onun “başqa çıxış yolu olmaya bilər”. Bu baxımdan, Trampın siyasi manevr imkanlarının məhdudlaşa biləcəyi vurğulanır.
Senatdakı respublikaçı “yırtıcı qanad”ın Rusiyaya qarşı sərt tədbirlər görmək istəyi təkcə Moskvanı deyil, eyni zamanda onunla ticarət edən üçüncü ölkələri də hədəf alır. Bu isə beynəlxalq ticarət əlaqələrinə və diplomatik münasibətlərə təsirsiz ötüşməyə bilər.
Ekspertlər hesab edir ki, əgər bu təklif qanunlaşarsa, Trampın prezidentliyi dövründə ABŞ-ın xarici siyasətində Rusiya ilə münasibətlər daha gərgin və sərt mərhələyə keçə bilər. Bunun isə qlobal iqtisadi və geosiyasi balanslara ciddi təsir göstərməsi mümkündür.
Fatimə Nəbiyeva
16:52 29.05.2025
Oxunuş sayı: 8451
