İsrail ordusu Qəzzada yaşayış məntəqələrini bombaladı: Ölənlər var
İsrail ordusunun Qəzza zolağında son günlərdə həyata keçirdiyi hücumlar nəticəsində onlarla fələstinli həyatını itirib.
Crossmedia.az xəbər verir ki, bu barədə Fələstinin rəsmi xəbər agentliyi WAFA məlumat yayıb.
Məlumata görə, Qəzzanın şimalındakı Cibaliya qəsəbəsində Əzzam ailəsinə məxsus yaşayış evi və uşaq bağçasının bombalanması nəticəsində 10 nəfər, o cümlədən 7 qadın və uşaq həlak olub.
Qəzzanın mərkəzində yerləşən Bureyc Qaçqınlar Düşərgəsində “əl-Karinavi” ailəsinə məxsus evin hədəfə alınması nəticəsində isə azı 19 nəfər həyatını itirib, çox sayda insan yaralanıb.
İsrailin pilotsuz uçuş aparatı Xan Yunis şəhərində bir fələstinli kişi və onun hamilə həyat yoldaşını hədəfə alıb.
Deyr əl-Bələh şəhərində isə çadır düşərgəsinə endirilən zərbə nəticəsində 13 yaşlı Əhməd Avvad ölüb.
Bundan əlavə, Xan Yunusun Kiyzan əl-Nəccar bölgəsində bir nəfər güllələnib, Abasan əl-Kəbirə bölgəsində isə dağıntılar altından daha bir fələstinlinin cəsədi çıxarılıb.
Xatırladaq ki, ötən gün İsrail ordusunun Rəfahda
humanitar yardım üçün toplaşan insanlara atəş açması nəticəsində 10 nəfər həyatını
itimiş, 60-dan çox insan yaralanmışdı.
Aybəniz Səfərova
12:52 29.05.2025
Oxunuş sayı: 1363
