Adanada Türkiyə ilə Azərbaycan arasında təhsil sahəsində əməkdaşlığın dərinləşdirilməsi yolları müzakirə olunub
Azərbaycanın Ankaradakı səfirliyinin təhsil məsələləri üzrə müşaviri Nəcibə Nəsibova Türkiyənin cənubunda yerləşən Adana şəhərinə səfəri çərçivəsində Çukurova Universitetində olub və universitetin prorektoru professor Hacer Yapıcıoğlu Yıldızbaş ilə görüşüb.
Crossmedia.az xəbər verir ki, görüşdə iki qardaş ölkə arasında təhsil sahəsində əməkdaşlığın dərinləşdirilməsi yolları barədə fikir mübadiləsi aparılıb.
Daha sonra müşavir azərbaycanlı müəllim və tələbələrlə görüşüb, soydaşlarımızı maraqlandıran məsələləri dinləyib.
Görüş iştirakçıları tərəfindən səsləndirilən problemlər və təkliflər universitet rəhbərliyinə çatdırılıb.
10:12 24.05.2025
Oxunuş sayı: 10913
