Məktəblilərimiz ABŞ-da keçirilən müsabiqədə bürünc medal qazanıb
10-16 may tarixlərində ABŞ-nin Ohayo ştatının Kolumbus şəhərində Beynəlxalq Elm və Mühəndislik müsabiqəsi təşkil edilib.
Crossmedia.az Elm və Təhsil Nazirliyinə istinadən xəbər verir ki, müsabiqədə sistem proqram təminatı (Systems Software) sahəsində yarışan Avropa Azərbaycan Məktəbinin şagirdi Nicat Tağızadə və Bakı şəhəri 143 nömrəli tam orta məktəbin şagirdi Tural Abdinli müsabiqədə bürünc medal qazanıblar.
Qeyd edək ki, artıq 14 ildir ki Azərbaycan məktəbliləri bu mötəbər yarışda iştirak edir və ötən il də olduğu kimi bu dəfə də Grand mükafat qazanmağa müvəffəq olublar.
Bildiririk ki, Beynəlxalq Elm və Mühəndislik Sərgisi (Regeneron ISEF) şagirdlər arasında keçirilən dünyanın ən böyük qlobal elm müsabiqəsidir.
20:47 16.05.2025
Oxunuş sayı: 12559
