Vatikan ilkə imza ata bilər: Tarixdə ilk asiyalı Papa seçilə bilər
Katoliklərin ruhani lideri Papa Fransiskin vəfatının ardından yerinə kimin keçəcəyi maraq doğurur. Ən güclü namizədlərdən biri isə asiyalı bir din xadimidir.
Crossmedia.az xarici mediaya istinadən xəbər verir ki, Tagle seçilərsə, tarixdə ilk asiyalı Papa olacaq.
Son günlərdə 88 yaşında vəfat edən Papa Fransisk, müasir dövrdə Avropa xaricində doğulan yeganə papaydı. İndi isə ən güclü namizədlərdən olan Kardinal Luis Antonio Gokim Tagle papalığa seçilərsə, müasir dövrün ilk asiyalı papası olacaq.
O, “Asiyalı Fransisk” kimi tanınır.
Yoxsullarla əlaqə qurmaq bacarığı, iqlim dəyişikliyinə qarşı fəaliyyət çağırışı və Katolik din xadimlərinin homoseksuallara, boşanmış şəxslərə və nikahsız analara qarşı sərt mövqeyini tənqid etməsi səbəbilə tez-tez “Asiyalı Fransisk” kimi xatırlanır.
Lakin Filippinlərdə kilsə rəhbəri kimi din xadimlərinin cinsi istismarı məsələsində tərəddüdlü mövqeyinə görə tənqid olunurdu. Kilsədə nüfuzu artdıqca bu iradlar davam etdi.
Kardinal Tagle, ölkəsində sabiq prezident Rodriqo Dutertenin narkotiklə mübarizə siyasətinə münasibət bildirmədiyinə görə də tənqid olunurdu. Bu prosesdə on minlərlə insan edam edilmişdi.
Kardinal Tagle ilə birlikdə ilahiyyat məktəbində təhsil alan rahib Robert Reyes, “Chitto, Duterte hakimiyyəti dövründə açıq və cəsarətli danışsaydı, daha az insan ölə bilərdi” deyə bildirib.
1982-ci ildə rahib kimi təyin olunmasından bu yana onilliklərə dayanan pastoral təcrübəyə sahib olan Tagle, Imus yepiskopu və Manila arxiyepiskopu kimi vəzifələrlə də inzibati təcrübə qazanıb.
Mədinə Cəlilova
20:00 29.04.2025
Oxunuş sayı: 848
