Husilər Taizi mühasirəyə aldı: Yəməndə humanitar böhran dərinləşir
Yəməndə husilər ölkənin üçüncü ən böyük şəhəri Taizi mühasirəyə alıb. Şəhərdə vəziyyətin gərginləşməsi humanitar böhranı daha da dərinləşdirib.
Crossmedia.az xəbər verir ki, “Reuters” bu barədə məlumat yayıb.
Məlumata görə, husilər Taizdən cənubda yerləşən Ədən şəhərinə gedən əsas yolu bağlayaraq əhalinin evlərini tərk etməsinə səbəb olublar. Taiz yenidən alovlanan vətəndaş müharibəsinin əsas cəbhələrindən birinə çevrilir.
Bildirilib ki, husilərin Taiz üzərində qələbəsi bu ilin yayında dörd illik atəşkəsdən sonra yenidən başlayan müharibədə mühüm dönüş nöqtəsi ola bilər.
Hazırda “Ənsar Allah” hərəkatı nəzarətində olan əraziləri genişləndirməyə çalışır. Qruplaşma cümə axşamı Ədən şəhərindəki prezident sarayı kompleksinə raket zərbələri endirib. Son həftələrdə husilərin Səudiyyə Ərəbistanının infrastrukturuna da onlarla hücum təşkil etdiyi bildirilir.
13:17 17.10.2026
Oxunuş sayı: 52
