Belçikada hökumətin büdcə azaltmalarına ETİRAZ EDİLDİ
Belçikada hökumətin planlaşdırdığı büdcə azaldılmasına qarşı etiraz olaraq xristian və sosialist həmkarlar ittifaqları tərəfindən çağırılan bir günlük tətil nəticəsində uçuşlar və ictimai nəqliyyat dayandırılıb.
Crossmedia.az xarici mətbuata istinadən xəbər verir ki, tətildə əsasən dövlət və özəl sektor işçiləri iştirak edir və sosial xərclərin, o cümlədən işsizlik və pensiya ödənişlərinin azaldılmasına qarşı etirazlar yüksəlib. Xüsusilə, Brüssel və Şarlerua hava limanlarında təhlükəsizlik və baqaj işçilərinin tətili nəticəsində bütün uçuşlar ləğv edilib.
Həmçinin, ölkə daxilində digər ictimai xidmətlərdə də ciddi pozuntular baş verib.
17:37 29.04.2025
Oxunuş sayı: 7967
