Çin, Trampın Xi ilə telefon görüşməsi iddialarını rədd etdi
Çin rəhbəri Xi Jinping-in son vaxtlar ABŞ Prezidenti Donald Tramp ilə telefonla danışmadığı bildirilib. Pekin, iki ölkə arasında ticarət müharibəsinin həlli üçün heç bir danışıqların aparılmadığını bir daha vurğulayıb.
Crossmedia.az xarici mediaya istinadən bildirir ki, Çin Xarici İşlər Nazirliyinin nümayəndəsi Guo Jiakun, Trampın Time jurnalına verdiyi müsahibədəki iddialarını təkzib edərək, “Mənim bildiyimə görə, iki dövlət başçısı arasında son vaxtlar heç bir telefon danışığı olmayıb,” dedi. O, həmçinin, Çin və ABŞ arasında tarif məsələsi ilə bağlı heç bir danışıqların olmadığını təkrarlayıb.
ABŞ prezidenti Donald Tramp, Time jurnalı ilə müsahibəsində Xi Jinping-in özünü arayıb və onunla danışdığını iddia etmişdi. Ancaq Pekin, Trampın bu iddialarını rədd edərək, iki ölkə arasında hələ də ticarət danışıqları olmadığını açıqlayıb.
Tramp, son bir neçə gündə Çin ilə ticarət müharibəsini yüngülləşdirmək niyyətində olduğunu bildirib, lakin Pekin, ABŞ-ın bütün tarifləri ləğv etməsini tələb edir. Tramp, Çinin müəyyən elektron malları üzərindəki tarifləri ləğv etməsinə baxmayaraq, ABŞ məhsullarına tətbiq etdiyi yüksək tarifləri davam etdirib.
Fatimə Nəbiyeva
13:50 28.04.2025
Oxunuş sayı: 7872
