Rusiya dövlət televiziyasında nüvə təhdidi: “İngilisləri tamamilə məhv edəcəyik”
"The Mirror" qəzetinin məlumatına görə, Rusiyada dövlət televiziyasında yayımlanan proqramda İngiltərəyə qarşı nüvə müharibəsi təhdidi səsləndirilib.
Crossmedia.az xəbər verir ki, aparıcı Vladimir Solovyov İngiltərə və baş nazir Keir Starmeri açıq şəkildə hədəf alaraq, “Bütün İngilisləri öldürəcəyik” deyə bəyan edib.
Rusiya Prezidenti Vladimir Putinin tərəfdarı kimi tanınan Solovyov proqramında bildirib ki, ABŞ və İngiltərə “birbaşa Rusiyaya müharibə elan edib”. O, Qərb ölkələrinə xəbərdarlıq edərək, dünya liderlərinin cəbhədəki əsgərlərlə eyni aqibətlə qarşılaşacaqlarını deyib.
Solovyov xüsusilə İngiltərə, Fransa, Almaniya və Baltik ölkələrinə qarşı sərt çıxış edib:
“Taleyiniz acınacaqlı olacaq. Bağırmağınız sizə heç bir fayda verməyəcək”.
“Russian Media Monitor”-un tərcümə etdiyi görüntülərdə Solovyovun İngiltərə vətəndaşlarını hədəf alaraq “Onlar tamamilə yox olacaq. Hamısını öldürəcəyik” ifadəsini işlətməsi təsdiqlənib.
Digər tərəfdən, Rusiya Ukraynadakı hücumlarını davam etdirir. Bazar günü Sumi şəhərinə endirilən raket zərbəsi nəticəsində 35 nəfər ölüb, 117 nəfər yaralanıb. Hücumlar əsasən şəhər mərkəzlərini və mülki obyektləri hədəf alır.
Mədinə Cəlilova
22:00 16.04.2025
Oxunuş sayı: 962
