BMT-nin Atom Enerjisi Agentliyinin rəhbəri İran-ABŞ danışıqlarından əvvəl Tehrana səfər edib
Beynəlxalq Atom Enerjisi Agentliyinin (BAEA) rəhbəri Rafael Qrossi İran və ABŞ arasında planlaşdırılan danışıqlardan öncə Tehrana səfər edib.
Crossmedia.az xarici mediaya istinadən xəbər verir ki, səfər çərçivəsində Qrossinin İranın yüksək vəzifəli rəsmiləri, o cümlədən xarici işlər naziri Abbas Əraqçı və İranın Atom Enerjisi Təşkilatının rəhbəri Məhəmməd Eslami ilə görüşləri nəzərdə tutulur.
Fransanın Le Monde nəşri Qrossinin sözlərini sitat gətirərək yazır: “İran təkcə bir deyil, bir neçə nüvə bombası hazırlamaq üçün kifayət qədər materiala malik olsa da, hələ nüvə silahına sahib deyil. Bu vəziyyət sanki hissələri mövcud olan, lakin hələ tam qurulmamış bir pazldır. Silahın tam əldə edilməsi üçün hələ bir qədər vaxt var, lakin bu fasilə uzun deyil”.
Mədinə Cəlilova
21:03 16.04.2025
Oxunuş sayı: 7596
