Rusiya, NATO Baş Katibi Mark Ruttenin səfərindən sonra Odessaya zərbə endirib
Rusiya, NATO-nun baş katibi Mark Ruttenin Ukraynaya səfərindən və Ukrayna prezidenti Volodimir Zelenski ilə görüşündən bir neçə saat sonra Odessa şəhərinə pilotsuz təyyarə hücumu həyata keçirib. Hücum nəticəsində ən azı 3 mülki şəxs yaralanıb. Ukrayna rəsmiləri, hücumun yanğınlara səbəb olduğunu, zərər çəkən obyektlər arasında kilsə və aptek kimi mülki infrastrukturun olduğunu bildirib.
Crossmedia.az xarici mediaya istinadən bildirir ki, Odessaya edilən hücumun ardından, Xerson şəhəri də bombalanıb. Ukrayna Fövqəladə Hallar Xidməti, hücumda bir nəfərin öldüyünü, ən azı üç nəfərin isə yaralandığını açıqlayıb. Hərbi mütəxəssislər, Rusiya qüvvələrinin bu hücumları, son dövrlərdə daha da artan strateji zərbələr kimi qiymətləndirirlər.
Ukrayna Hərbi Hava Qüvvələri, Rusiya tərəfindən göndərilən 97 pilotsuz uçuş aparatından 57-nin vurulduğunu bildirdi. Bununla yanaşı, Rusiyanın hücumları, mülki infrastrukturun ciddi şəkildə zərər görməsinə səbəb olub.
Rutten, Ukrayna xalqının öz ölkəsində təhlükəsizlik və sülhə layiq olduğunu vurğulayaraq, atəşkəs danışıqlarına dəstək verdiyini bildirib. Bununla yanaşı, Rusiya, Ukraynanın mülki obyektlərinə qarşı davamlı hücumlar edərək, beynəlxalq cəmiyyətin təzyiqlərinə qarşı müqavimətini artırır.
Zəhra Ağayeva
18:50 16.04.2025
Oxunuş sayı: 1217
