İranda iqtisadi vəziyyət pisləşir: Nüvə danışıqları davam edir
İranda iqtisadi vəziyyət günü-gündən ağırlaşır. ABŞ-nin tətbiq etdiyi sanksiyalar ölkənin maliyyə sistemini çökdürür. Bu səbəbdən İran hökuməti nüvə proqramı ilə bağlı danışıqlarda qalmağa məcbur olur.
Crossmedia.az xəbər verir ki, bu barədə "Wall Street Journal" məlumat yayıb.
Belə ki, işsizlik artır, orta təbəqə gündəlik tələbat mallarını almaqda çətinlik çəkir. İranın pul vahidi – rial – dünyanın ən zəif valyutalarından biridir. Ölkədə inflyasiya 30%-dən yüksəkdir, mart ayında ərzaq məhsulları ötən ilin eyni dövrü ilə müqayisədə 41% bahalaşıb. Bu vəziyyət xüsusilə kənd yerlərində yaşayan kasıb əhalini daha çox təsirləndirib.
Mütəxəssislər hesab edir ki, iqtisadi böhran ölkə daxilində narazılığın artmasına səbəb olur. ABŞ Prezidenti Donald Trampın başladığı maksimum təzyiq siyasəti də sanksiyaların təsirini gücləndirib. Məqsəd İranı nüvə silahından imtina etdirməkdir.
Çazam House düşüncə mərkəzinin təhlilçisi Sənəm Vəkil bildirib ki, İran iqtisadi sanksiyalar, korrupsiya və idarəetmədəki problemlərlə üz-üzədir: “Onlar ümid edirlər ki, Tramp yenidən prezident olsa, sanksiyaların yumşaldılması üçün daha çox imkan yaranacaq”.
"Eurasia Group" təşkilatından Qreqori Bru isə deyib ki, İranın Avropa ilə ticarət əlaqələri zəifləyib, insanlar əvvəllər aldıqları kosmetika, geyim və zinət əşyaları yerinə indi Çin və Rusiya məhsulları almağa məcbur olublar.
ABŞ-dəkı CSIS mərkəzindən Con Alterman əlavə edib ki, İran cəmiyyətində böyük təbəqələşmə var.
Qeyd edək ki,hökumətə yaxın olan bəzi şəxslər dəbdəbəli həyat yaşayır, əhali isə günü-gündən daha da kasıblayır: “Əgər islahatlar olmazsa, bu, ölkədə ciddi etirazlara səbəb ola bilər”.
Hazırda ABŞ və İran arasında dolayı danışıqlar Oman vasitəsilə davam etdirilir.
Bildirək ki, hər iki tərəf ötən həftə keçirilən görüşü “müsbət və konstruktiv” adlandırıb və bu həftə yenidən bir araya gələcəklər.
Tramp isə bildirib ki, İran uranı yalnız 3.67%-ə qədər zənginləşdirməli və nüvə silahı ideyasından tamamilə imtina etməlidir.
Fatimə Məmmədova
15:26 16.04.2025
Oxunuş sayı: 1172
