Xəbərdarlıq: Arı sancması ölümə səbəb ola bilər!
Arı sancmaları xüsusilə allergiyası olan uşaqlar və böyüklər üçün təhlükəli nəticələr doğura bilər.
Crossmedia.az Türkiyə KİV-inə istinadən xəbər verir ki, bu barədə Uşaq Sağlamlığı və Xəstəlikləri mütəxəssisi Dr. Şirin Seçkin deyib.
Ekspert arı sancmasının uşaqlarda ciddi allergik reaksiyalara səbəb olan ikinci ən kütləvi səbəb olduğunu bildirib.
Seçkin arı sancması hallarının uşaqlarda ümumilikdə 1%-dən az rast gəlindiyini, lakin bu faiz içində yüngül və orta dərəcəli reaksiyaların daha çox olduğunu qeyd edib. Böyüklərdə isə bu göstərici 3.5 %-dir.
Arı sancması baş verdikdə ilk 5 dəqiqə ərzində iynənin çıxarılması vacib hesab olunur. Əgər bu müddət keçibsə, sancılan nahiyənin dezinfeksiya edilməsi və soyuq kompres tətbiqi tövsiyə edilir.
Nigar Rəhimova
15:37 14.04.2025
Oxunuş sayı: 8809
