Finlandiya XİN: Avropa hələ Rusiya ilə danışıqlara hazır deyil
Finlandiyanın xarici işlər naziri Elina Valtonen Avropa liderlərinin Rusiya Prezidenti Vladimir Putinlə danışıqlar aparması üçün vaxtın hələ yetişmədiyini bəyan edib.
Crossmedia.az xəbər verir ki, bu barədə UNIAN məlumat yayıb.
Nazir qeyd edib ki, Rusiya Ukraynaya qarşı hərbi təcavüzünü davam etdirdiyi müddətcə belə bir dialoq məqsədəuyğun deyil.
Onun sözlərinə görə, danışıqları nə zaman kimlərin aparmasından daha vacib olan bu müzakirələrdə nə əldə olunacağıdır.
“ABŞ-nin Rusiya ilə müəyyən səviyyədə təmasları olduğu məlumdur və gələcəkdə Avropa da dialoqa daxil olacaq. Lakin ballistik raketin mülki obyektə düşməsi və uşaqların həyatını itirməsi göstərir ki, bu, dialoqun vaxtı deyil”, – Valtonen bildirib.
Nazir əlavə edib ki, Avropa bu kimi faciələr fonunda Rusiya ilə birbaşa danışıqlardan çəkinməlidir.
Nigar Rəhimova
14:35 14.04.2025
Oxunuş sayı: 7920
