MOSSAD zabitləri müharibənin dayandırılmasını tələb edir
İsrailin xüsusi xidmət orqanı olan MOSSAD-ın 250-dən çox sabiq zabiti, o cümlədən üç keçmiş rəhbəri Qəzza zolağında gedən müharibənin dayandırılması və girovların xilas olunması çağırışı ilə petisiya imzalayıblar.
Crossmedia.az xarici KİV-ə istinadən xəbər verir ki, müharibənin dayandırılmasını və girovların geri qaytarılmasını tələb edən bu çağırışa həmçinin İsrailin Hərbi Dəniz Qüvvələri, Hərbi Hava Qüvvələri, kəşfiyyat və zirehli bölmələrindən olan yüzlərlə ehtiyatda olan və istefaya çıxmış hərbçilər də qoşulub. Eyni zamanda, bu təşəbbüsə ölkənin ali təhsil müəssisələrindən 2000 nəfər üzv və 200 hərbi həkim də dəstək verib.
Fidan Xəlilova
11:00 14.04.2025
Oxunuş sayı: 7670
