İranlı millət vəkili: “Parlamentin Tehran-Vaşinqton danışıqlarından xəbəri yoxdur”
Bu gün iranlı millət vəkili Mehdi Kuçekzadə parlamentin plenar iclasında İran-Vaşinqton danışıqlarından məlumatsızlığı təndiq edib.
Crossmedia.az xarici KİV-ə istinadən xəbər verir ki, “Ey İran xalqı, indi həssas məqamdır və diqqətli olun. Mən demirəm ki, indi baş verənlər olmasın və bəlkə də bunu etməkdən başqa çarəmiz yoxdur, ancaq dostla düşməni ayırd edək. İran xalqı bilməlidir ki, nə mənim, nə də parlamentin bu danışıqlardan xəbəri yoxdur, ancaü indi bu hərəkət tam acılıqla həyata keçirilməlidir, biz buna qarşı çıxmayacağıq”, - deyə, Kuçekzadə bildirib.
İran parlamentinin sədri Məhəmmədbaqir Qalibaf isə deputatı susdurmaq üçün deyib: “Onun parlamentin danışıqlardan xəbərsiz olması ilə bağlı açıqlaması düzgün deyil. Siz parlamentin adından danışa və parlamentin danışıqlardan xəbərsiz olduğunu deyə bilməzsiniz”.
19:14 13.04.2025
Oxunuş sayı: 5220
