Pakistan öz vətəndaşlarına qarşı İranda terror aktı törədənlərin cəzalandırılmasını istəyir
Pakistanın baş naziri Şahbaz Şərif İranın Sistan və Bəluçistan əyalətində 8 Pakistan vətəndaşının ölümü ilə nəticələnən terror aktını pisləyib.
Crossmedia.az xarici KİV-ə istinadən xəbər verir ki, Şahbaz Şərif İranı günahkarların motivlərini üzə çıxarmağa və onları cəzalandırmağa çağırıb. Terrorun bütün bölgə üçün ciddi təhlükə olduğunu bildirən Pakistanın baş naziri qonşu ölkələri terrorizmə qarşı strategiya hazırlamaqda birgə səylərinin vacibliyini vurğulayıb.
Şərif qeyd edib ki, “İran hökuməti təkcə cinayətkarları həbs etməməli, həm də bu iyrənc hadisənin səbəblərini ictimaiyyətə açıqlamalıdır”.
17:03 13.04.2025
Oxunuş sayı: 9328
