Dünyada internet kəsilə bilər – telekom şirkətlərindən xəbərdarlıq
Telekom şirkətləri Rusiyanın təşkil etdiyi iddia edilən dənizaltı kabellərə qarşı sabotajların qlobal internet kəsintilərinə səbəb ola biləcəyini bildiriblər.
Crossmedia.az xəbər verir ki, “Telefónica”, “Vodafone”və “Orange” kimi aparıcı şirkətlər NATO-ya və hərbi rəhbərliyə müraciət edərək dənizaltı infrastrukturun qorunması üçün daha ciddi tədbirlərin görülməsini tələb ediblər.
Açıq məktubda bu hücumların təkcə Avropanı deyil, beynəlxalq kommunikasiya, maliyyə əməliyyatları və kritik xidmətləri də təhdid etdiyi vurğulanıb. Şirkətlər kəşfiyyat mübadiləsi, birgə monitorinq və qabaqcıl texnologiyalara sərmayə çağırışı ediblər.
Sənəddə konkret ölkə adı çəkilməsə də, Rusiyanın son bir ildə baş verən bir sıra hadisələrin arxasında olduğu ehtimal edilir. 2024-cü ilin noyabrında Çin gəmisinin Baltik dənizindəki kabellərə zərər yetirməyə cəhd etdiyi bildirilmiş və məsələ ilə bağlı araşdırma başladılmışdı.
Mədinə Cəlilova
16:15 13.04.2025
Oxunuş sayı: 9683
