NATO: Daha çox F-16 təyyarəsi Ukraynaya verilməyə hazırlanır
General Kristofer Kavoli ABŞ Konqresinin Silahlı Qüvvələr Komitəsindəki dinləmələrində bildirib ki, Ukraynada artıq bir neçə F-16 təyyarəsi və onları idarə edəcək təlim keçmiş pilotlar mövcuddur. Belə ki, daha çox F-16 təyyarəsi hazır vəziyyətə gətirilir və yaxın zamanda göndərilmək üçün hazırlanır.
Crossmedia.az xəbər verir ki, bu barədə xarici media mənbələri məlumat verib.
"Əlavə olaraq, daha çox pilot təlimə cəlb edilib. Təyyarələr işə düşüb və hər gün uçurlar", - general Kavoli qeyd edib.
O, həmçinin vurğulayıb ki, hazırda ABŞ-dən Ukraynaya heç bir F-16 təyyarəsi göndərilməyib. "Əsasən, bu təyyarələr Şimali Avropa ölkələrindən – Niderlandlardan və Danimarkadan göndərilib", - o əlavə edib.
Fatimə Məmmədova
15:07 04.04.2025
Oxunuş sayı: 8818
