ABŞ, Patriot hava hücumundan müdafiə sistemləri üçün yeni radar sistemin seriyalı istehsalına başlamağı planlaşdırır
Bu barədə raket və kosmos proqramlarının icraçı direktoru, general-mayor Frank Lozano məlumat verib.
Crossmedia.az xarici KİV-ə istinadən xəbər verir ki, LTAMDS (Lower Tier Air & Missile Defense Sensor) hazırkı AN/MPQ-53 və AN/MPQ-65 radarlarından fərqli olaraq 360 dərəcə görüntüləmə imkanı təqdim edir.
Bu yenilik, Patriot sistemlərinin hədəfləri yalnız dar (90°) sektorda görə bilməsi problemini həll edir.
İlk 10 radarın hər biri 125-130 milyon dollara başa gələcək və 2028-ci ilə qədər çatdırılacaq.
ABŞ ordusu ümumilikdə 94 ədəd LTAMDS radarı sifariş etməyi planlaşdırır.
Polşa isə bu sistemlərin ilk xarici müştərisi olacaq və ABŞ ordusu üçün nəzərdə tutulan 10 radarın istehsalı ilə paralel, Polşa üçün də 10 radar istehsal ediləcək.
13:51 04.04.2025
Oxunuş sayı: 916
