İran bütün diqqətini ABŞ-nin birbaşa təhdidlərinə qarşı yönəldir
Tehran ABŞ ilə münaqişənin qarşısını almaq üçün Yəməndən qoşunlarını çıxarır.
Crossmedia.az “The Telegraph” qəzetinə istinadən xəbər verir ki, adı açıqlanmayan yüksək rütbəli İran rəsmisi ABŞ-nin husilərə qarşı hava hücumlarını artırmasına baxmayaraq, Tehranın hərbi qüvvələrini Yəməndən çıxarılmasına göstəriş verdiyini bildirib.
Rəsminin sözlərinə görə, bu qərarın məqsədi İran qüvvələrinin mümkün ölümü halında ABŞ ilə birbaşa münaqişənin qarşısını almaqdır.
“İran proksi qüvvələrinə dəstək strategiyasını azaldıb və diqqətini ABŞ-nin birbaşa təhdidlərinə qarşı yönəldir. Tehranın əsas narahatlığı Tramp və onunla necə davranacağıdır. İran husilərin artıq fəaliyyətlərini davam etdirə bilməyəcəklərinə və hətta son günlərində olduqlarına inanır”, - deyə, qəzetdə vurğulanıb.
13:44 04.04.2025
Oxunuş sayı: 7803
