ABŞ ordusunda gender bərabərliyi
ABŞ Müdafiə naziri Pit Hegset, ABŞ ordusunda döyüş vəzifələri üçün “gender neytral” fiziki standartların yaradılmasını əmr edib. Bu o deməkdir ki, orduda həm kişilər, həm də qadınlar eyni fiziki tələblərə uyğun olmalıdırlar. Crossmedia.az xarici KİV-ə istinadən xəbər verir ki, Hegsetin 30 mart tarixli sənədində deyilir ki, bu standartlar yalnız döyüş tapşırıqları üçün lazım olan fiziki gücə əsaslanmalıdır və heç bir cinsiyyətə görə fərq qoyulmamalıdır.
Hegsetin sözlərinə görə, döyüşçülər həm fiziki yük daşımaqda, həm də uzun müddət fiziki cəhətdən çətin vəziyyətlərə dözməkdə bacarıqlı olmalıdırlar. Xüsusi əməliyyat qüvvələri isə özlərini üzmə, dağda gəzmək və paraşütlə atlama kimi qabiliyyətlərə görə göstərəcəklər.
Bu dəyişikliklə ABŞ ordusunda həm kişilər, həm də qadınlar üçün fiziki bacarıqların qiymətləndirilməsi eyni şəkildə olacaq. Cinsiyyətə görə heç bir fərq qoyulmayacaq və hər bir hərbçi yalnız döyüş vəzifələri üçün lazım olan fiziki tələblərə uyğun qiymətləndiriləcək.
14:47 04.04.2025
Oxunuş sayı: 6401
