Ermənistanın "qara sevdası": "Aİ-nin regionda dayanıqlı sülhün əldə olunması cəhdləri o halda alqışlanar ki..."
Ermənistanın xarici siyasətində Avropa İttifaqı (Aİ) ilə əməkdaşlıq prioritet istiqamət olaraq qalmaqdadır. Rəsmi İrəvan bütün imkanları ilə Aİ ilə əməkdaşlığı dərinləşdirməyə, təşkilat və onun aparıcı üzvü olan Fransanı Cənubi Qafqaza gətirməyə çalışır. Bu isə bütövlükdə bölgənin təhlükəsizliyi üçün təhdiddir. Fransa və Aİ-nin Ermənistan vasitəsilə həyata keçirdiyi siyasət "dağdan gəlib bağdakı ilə mübahisə etməyə" oxşayır. Görünür, İrəvan da "dağ"dakı ilə əməkdaşlıqda maraqlıdır...
Ermənistanın hazırkı ritorikası barədə Crossmedia.az-a danışan Milli Məclisin deputatı Müşfiq Cəfərov bildirib ki,
Artıq bir neçə müddətdir Fransanın təhriki və inadkarlığı sayəsində Aİ-nin monitorinq missiyası Ermənistanda fəaliyyət göstərir: "Aİ-nin Xarici Siyasət və Təhlükəsizlik Siyasəti üzrə Ali Nümayəndəsi Cozep Borrell bildirmişdi ki, ittifaqın Cənubi Qafqazda fəaliyyətində yeni mərhələyə başlayır və“Aİ-nin Ermənistandakı uzunmüddətli missiyasının əsas məqsədi regionda sülhə töhfə verməkdir. Əgər məqsəd sülhə töhfə verməkdirsə və bir halda ki, Azərbaycanla Ermənistan arasında sülh müqaviləsi imzalanırsa, Aİ – nin özünündə bəyan etdiyi kimi, missiya bitir və Azərbaycan Ermənistan sərhədindən çəkilməldirlər. Ermənistanın özündə də etiraf olunur ki, monitorinq missiyası əvvəllər mülki missiya kimi qələmə verilirdisə, indi həmin missiya yarım şəkildə hərbiləşdirilmiş missiya olaraq fəaliyyət göstərir. Missiyanın tərkib hissəsinin artırılması da deyilənləri sübut edir. Bu missiyanın təmsilçiləri arasında sabiq kəşfiyyat rəhbərlərinin, təqaüddə olan generalların, keçmiş xüsusi təyinatlı polis rəislərinin çoxluq təşkil etməsi də hər kəsə məlumdur. Regionda sabitliyə və Ermənistanla Azərbaycan arasında etimada töhfə vermək üçün fəaliyyətə başladığını elan edən missiya ötən müddət ərzində qarşısına qoyduğu heç bir hədəfə çatmayıb, əksinə, etimadın yaranmasında əngəl, şərti sərhəddə hərbi təxribatlar üçün katalizator rolu oynayıb".
Parlamentarinin sözlərinə görə, 2022-ci ilin oktyabrında regiona gələn Aİ missiyasının ötən müddətdəki fəaliyyətinə baxanda onun Azərbaycanla Ermənistan arasında etimad yaratma missiyasının bilərəkdən iflasa uğratdığı, Ermənistanın militarizasiyasına dəstək verdiyi, regionun digər ölkələrinə də təhlükə yaradan hərbi və casusluq fəaliyyəti ilə məşğul olduğunu görürük: "Ermənistan əgər, doğrudan da, sülh istəyirsə, Aİ müşahidə missiyasının buna heç bir töhfə verməyəcəyini anlamalı, missiyanın ölkədən çıxarılmasına qərar verməlidir. Bəli, Aİ-nin regionda dayanıqlı sülhün əldə olunması cəhdləri alqışlana bilər. Amma ikili standartlara yol verilmədən! Lakin biz, bu ikili standartların baş qaldırdığının şahidi olduq".
Fatimə Məmmədova
16:30 25.03.2025
Oxunuş sayı: 9635
