Qazaxıstan və Yaponiya strateji tərəfdaşlığı gücləndirir
Tokioda Qazaxıstanın Xarici İşlər naziri yaponiyalı həmkarı Yoko Kamikava ilə görüşüb. Görüşdə iki ölkə arasında strateji tərəfdaşlığın möhkəmləndirilməsi, ticarət-iqtisadi əlaqələrin genişləndirilməsi və beynəlxalq təşkilatlar çərçivəsində əməkdaşlıq məsələləri müzakirə edilib.
Crossmedia.az xarici mediaya istinadən xəbər verir ki, tərəflər "Mərkəzi Asiya + Yaponiya" formatında dialoqun gücləndirilməsinə xüsusi diqqət ayırıb. Görüşün yekunu olaraq, 2025-2026-cı illər üçün əməkdaşlığın prioritet istiqamətlərini əhatə edən Fəaliyyət Planı imzalanıb.
Qeyd edək ki, son 18 il ərzində yapon şirkətləri Qazaxıstan iqtisadiyyatına 7,8 milyard dollardan çox investisiya yatırıb. Yaponiya, Mərkəzi Asiya regionunda mövqeyini möhkəmləndirmək üçün Qazaxıstanla əməkdaşlığı daha da genişləndirməyi planlaşdırır.
Zeynəb Yunuszadə
19:43 18.03.2025
Oxunuş sayı: 1120
