Ermənistanın keçmiş Baş naziri: “İran ordusu Ermənistan-İran sərhədində heç bir tədbir görməyəcək”
“Əlbəttə, İlham Əliyev Paşinyanın təklifinə yox deyəcək”. Bunu 1992-1993-cü illərdə Ermənistanın Baş naziri olmuş Xosrov Harutyunyan deyib. Onun sözlərinə görə, Paşinyanın Azərbaycan tərəfinə təklif etdikləri Azərbaycanı qətiyyən qane etmir. “Paşinyan təklifinin Ermənistan iqtisadiyyatı ilə heç bir əlaqəsi yoxdur. O, nə danışır? Hansı erməni biznes qurumu o xəttdən istifadə edəcək? Paşinyan bunu təklif edir, çünki məqsəd Mehridən keçərək, həmin ərazini İlham Əliyevə verməkdir, onun məqsədi təkcə Qərbi Azərbaycandan ibarət deyil.
Mehridən 47 kilometrlik dəmir yolunun çəkilməsi o deməkdir ki, Ermənistan Azərbaycanın qərb hissəsini Naxçıvana birləşdirmək üçün öz büdcəsindən 150 milyard sərmayə qoymalı olacaq. İranın ali rəhbərliyi dəfələrlə sərhədlərin və demoqrafik dəyişikliklərin İran üçün qəbuledilməz olduğu barədə bəyanatlar versə də, İranın bizim üçün hərbi əməliyyatlara əl atacağını güman etməməliyik. İran ordusu Ermənistan-İran sərhədində heç bir tədbir görməyəcək. Biz Zəngəzuru saxlamalıyıq. Müxalifət, Paşinyan hakimiyyətini neytrallaşdırın. O, Ermənistana qarşı təhdid mənbəyidir”, - deyə Harutyunyan qeyd edib.
19:17 18.03.2025
Oxunuş sayı: 959
