Pakistanda terror aktı: Ölənlər və yaralananlar var
Pakistanın Noşki (Bəlucistan) bölgəsinin N-40 magistral yolunda sərhədçiləri daşıyan avtobus karvanına hücum olub. Hadisə nəticəsində azı 12 hərbçi həlak olub, daha 26 nəfər yaralanıb.
Crossmedia.az xarici KİV-ə istinadən xəbər verir ki, hücumun partlayışla başladığı, sonra isə Rakşani Mill rayonunda intensiv atışma ilə davam etdiyi bildirilir.
Partlayışı kamikadze əldəqayırma qurğudan istifadə etməklə həyata keçirib.
Hərbçilərin cavab atəşi nəticəsində iki terrorçu məhv edilib. Ərazi təhlükəsizlik qüvvələri tərəfindən mühasirəyə alınıb.
Hücuma görə məsuliyyəti “Bəlucistan Azadlıq Ordusu” qruplaşması üzərinə götürüb.
Xatırladaq ki, martın 11-də terrorçular Bəlucistan əyalətində qatarı qaçırıblar. Silahlılar sərnişinləri girov götürüb, sürücünü yaralayıb. Hücumçular azı 50 girovu öldürüblər. Qatarın sərnişinləri azad edilib. Əməliyyat zamanı 28 əsgər həlak olub.
22:37 16.03.2025
Oxunuş sayı: 13518
