ABŞ-də tornado fəlakəti: Ölənlər var
ABŞ-nin mərkəzi və cənub bölgələrində baş verən güclü tornadolar nəticəsində ölənlərin sayı 34-ə yüksəlib.
Crossmedia.az xarici mətbuata istinadən xəbər verir ki, təbii fəlakət bir neçə ştatda dağıntılara səbəb olub.
Minlərlə ev işıqsız qalıb
Tornadoların təsirinə məruz qalan ştatlar arasında Miçiqan, Missuri və İllinoys da var. Ümumilikdə yeddi ştatda 250 mindən çox ev və iş yeri elektriksiz qalıb.
Yeni fırtına təhlükəsi var
ABŞ Milli Hava Xidmətinin (NWS) məlumatına görə, Luiziana, Corciya, Tennessi və Florida ştatlarında növbəti günlərdə şiddətli tufanlar gözlənilir. Mütəxəssislər qasırğanın daşqınlara səbəb ola biləcəyi barədə xəbərdarlıq ediblər.
Səlahiyyətlilər fəlakət bölgələrində axtarış-xilasetmə işlərinin davam etdiyini bildirirlər.
Aybəniz Səfərova
23:18 16.03.2025
Oxunuş sayı: 9084
