İran mediası: "İranın şah damarına türklərin qılıncı Azərbaycan və Türkiyə əlbir olub"
"Gostaresh News" xəbər saytı İranın Qafqazşünas eksperti Seyid Məhəmmədrza Dəmavəndinin qərəzli məqaləsini dərc edib.
Sitat: "Bir vaxtlar qonşularına əsas qaz təchizatçılarından biri olan İran indi enerji ixracı sahəsində ciddi problemlərlə üzləşib. Azərbaycan və Türkiyə prezidentləri tərəfindən İğdır-Naxçıvan qaz kəmərinin açılışı Naxçıvan Muxtar Respublikasına qaz nəqlində İranın mövqeyini zəiflətdi və bu bölgənin İran qazından asılılığına son qoydu.
Türkiyə qaz alıcısıdır və qazın Azərbaycandan 🇬🇪 Gürcüstana və boru kəməri marşrutu ilə Türkiyə və Naxçıvana çatması nəzərdə tutulur, məqsəd Naxçıvanın İrandan enerji asılılığını azaltmaq və ya tamamilə aradan qaldırmaqdır. Beləcə İranın qonşu ölkələrə ixrac marşrutu tədricən kəsilmiş olacaq.
Təbiidir ki, Türkiyənin uzunmüddətli planı Türk dünyası yaratmaqdır. Osmanlı imperiyası dağıldıqdan sonra türklər Türkiyəni şərqə və Çin sərhədlərinə qədər genişləndirməyə çalışırlar.
Bu səbəbdən Azərbaycanla əlaqə yaranıb və onlar da gələcəkdə Xəzər dənizinə çıxaraq Türkmənistana çıxış əldə etmək fikrindədirlər və bu baxımdan Türk dünyasını mənalı edən iqtisadi və mədəni sahələrdə müəyyən tədbirlər həyata keçirirlər ki, bu da İranın maraqları ilə ziddiyyət təşkil edəcək.
Türkiyə əvvəllər İrandan qaz idxal edirdi və bu asılılığı getdikcə azaldıb Azərbaycandan enerji alır və bu prosesin davamı isə onların birbaşa gediş-gəlişi üçün Azərbaycan ərazisini Naxçıvanla birləşdirən Zəngəzur adlanan dəhliz İranın şimal qonşuları ilə əlaqələrini kəsəcək".
18:44 16.03.2025
Oxunuş sayı: 616
