Ukraynanın və Avropanın gücləndirilməsi üçün nə qədər vaxt lazımdır? – Zelenski açıqlayıb
Ukraynanı və Avropanı cəmi üç il ərzində gücləndirmək mümkündür.
Crossmedia UNIAN-a istinadən xəbər verir ki, bunu Ukrayna Prezidenti Volodimir Zelenski deyib.
"Hər kəs anlayır ki, indiki templərlə Ukraynanın və Avropanın gücləndirilməsi üçün 5 il lazımdır. Lakin biz hesab edirik ki, bu, çox uzun və eyni zamanda təhlükəli bir müddətdir", – deyə Zelenski vurğulayıb.
O əlavə edib ki, Ukrayna müharibə şəraitində belə daha sürətli hərəkət edə biləcəyini sübut edib: "Tərəfdaşlarımız da razıdır ki, bunu 3 il ərzində reallaşdırmaq olar. Amma bunun üçün bütün ölkələr maksimum səviyyədə səfərbər olmalı, hərbi istehsalı və müdafiə potensialını ciddi şəkildə artırmalıdırlar. Yalnız bu halda Avropanın təhlükəsizlik zəmanətləri real ola bilər", – deyə Zelenski bildirib.
Xumar Əhmədova
16:25 16.03.2025
Oxunuş sayı: 1181
