ABŞ və Rusiya arasında Ukrayna ilə bağlı diplomatik təmaslar intensivləşir
Rusiya prezidentinin mətbuat katibi Dmitri Peskov amerikalı rəsmilərin Rusiya ilə danışıqlar aparmaq üçün Moskvaya səfər edəcəyini təsdiqləyib.
Crossmedia.az xarici Kİv-ə istinadən xəbər verir ki, o, hazırda ABŞ və Ukrayna arasında Səudiyyə Ərəbistanının Ciddə şəhərində keçirilən danışıqların nəticələrinin Rusiyaya çatdırılmasının davam etdiyini bildirib.
Peskov, eyni zamanda, sülh danışıqlarının hələ başlamadığını vurğulayıb. Bununla belə, ABŞ prezidenti Donald Trampın xüsusi nümayəndəsi Stiv Uitkoff artıq Moskvaya gedib və onun olduğu təyyarə Vnukovo hava limanına enib.
Məlumatlara görə, Uitkoffun əsas məqsədi Rusiyanı Ukraynada atəşkəs sazişini imzalamağa razı salmaqdır.
Qeyd edək ki, Ukrayna daha əvvəl 30 günlük atəşkəsə razı olduğunu bəyan edib. ABŞ və Rusiya arasında aparılan bu diplomatik təmaslar müharibənin gələcək inkişafı baxımından mühüm əhəmiyyət daşıyır.
Pərvin Hacıyeva
Fatimə Məmmədova
15:59 13.03.2025
Oxunuş sayı: 6950
