Türkiyədə məlumat sızdırılmasına görə 15 illik həbs cəzası
Bugün Türkiyə Böyük Millət Məclisində qəbul edilən "Kiber Təhlükəsizlik Qanunu" ilə məlumat sızdırılmasına qarşı ciddi cəzalar tətbiq edilib.
Crossmedia.az xəbər verir ki, bu barədə Türkiyə KİV-i məlumat yayıb .
Kiber hücum edib şəxsi məlumatları ələ keçirənlərə 15 il həbs cəzası veriləcək, daha əvvəl sızdırılmış məlumatları paylaşanlara isə 5 il həbs cəzası veriləcək.
Qanuna əsasən, kiber hücum nəticəsində əldə edilən məlumatları internetdə paylaşanlar 10 ildən 15 ilədək həbs cəzasına məhkum ediləcəklər. Əgər bu cinayət təşkilat tərəfindən törədilərsə, cəza 30 ilə qədər arta bilər. Daha əvvəl sızdırılmış məlumatları icazəsiz paylaşanlara 3 ilə 5 il arasında həbs cəzası veriləcək.
Yeni qanun dəyişiklikləri məlumat təhlükəsizliyini təmin etmək və kiber cinayətlərin qarşısını almaq üçün mühüm addım kimi dəyərləndirilir.
Fatimə Məmmədova
14:55 13.03.2025
Oxunuş sayı: 575
