Böyük Britaniya və Fransa Ukrayna üçün beynəlxalq təhlükəsizlik koalisiyası yaradır
Böyük Britaniya və Fransa, Ukrayna-Rusiya müharibəsinin sona çatması ilə bağlı danışıqlarda mövqelərini gücləndirmək məqsədilə yeni bir plan üzərində çalışır.
Crossmedia.az xarici KİV-ə istinadən xəbər verir ki, bu ölkələr Ukraynaya təhlükəsizlik təminatı vermək üçün 37 dövlətin daxil olacağı “istəkli koalisiya” yaratmaq istiqamətində danışıqlar aparır.
Plana əsasən, Avropa, Birlik və Asiya ölkələri Ukraynaya maliyyə yardımı göstərəcək, eləcə də qoşun, təyyarə və hərbi-dəniz gəmiləri ayıraraq gələcəkdə mümkün Rusiya təcavüzündən qorumağa kömək edəcək. Həmçinin Ukrayna ilə qonşu ölkələrdə hərbi qüvvələrin yerləşdirilməsi ehtimalı da nəzərdən keçirilir.
Bu plan Ukraynanın müdafiə qabiliyyətini artırmaq və onu mümkün hücumlardan qorumaq məqsədi daşıyır. Əgər koalisiya reallaşarsa, Ukraynanın danışıqlardakı mövqeyi daha da güclənəcək və Avropanın təhlükəsizliyi möhkəmlənəcək. Lakin eyni zamanda, bu addım Qərb və Rusiya arasında gərginliyi artıraraq yeni qarşıdurmalara səbəb ola bilər.
Fatimə Abbasova
14:21 13.03.2025
Oxunuş sayı: 433
