Litvanin keçmiş XİN başçısı: "Qərb siyasətçiləri Putini yanlış qiymətləndirir"
"Əgər biz həqiqətən ukraynalıların yanında olduğumuzu iddia ediriksə, onların seçimlərini dəstəkləmək bizim rolumuzdur. Heç kim Ukraynaya nə zaman və nədən imtina etməli olduqlarını diktə etmək hüququna malik deyil".
Crossmedia.az "Politico"ya istinadən xəbər verir ki, bunu Litvanın keçmiş xarici işlər naziri Qabrielius Landsbergis deyib.
"Ukrayna Prezidenti Volodimir Zelenskinin Oval kabinetdə zorakı təzyiqlərə məruz qalmasından bir həftə əvvəl, mən Kiyevdə keçirilən bir konfransda Böyük Britaniyanın keçmiş baş naziri Boris Consonla eyni paneldə çıxış etmək şərəfinə nail oldum. Həmin vaxt biz “mineral sazişi” adlandırılan mövzunu müzakirə edirdik. Çünki bəzi insanlar hələ də bir “razılaşmanın” bu qədər sadə ola biləcəyinə inanırdılar. Mən Consonu xəbərdar etdim ki, Rusiya Prezidenti Vladimir Putin razılaşmalara hörmət etmir . Sonra Zelenski ABŞ-nin vitse-prezidenti Cey Di Vensə də eyni xəbərdarlığı etdi. Putin 20222-ci ildə özünün “xüsusi hərbi əməliyyat” adlandırdığı işğala başlayanda xarici işlər naziri idim. O vaxtdan etibarən mən Qərb siyasətçilərinin Putini yanlış qiymətləndirməsinə, ukraynalılara yuxarıdan aşağı baxmasına, onları ard-arda az qiymətləndirməsinə şəxsən şahid olmuşam", - o bildirib.
Nabat Fərzəliyeva.
14:25 13.03.2025
Oxunuş sayı: 9942
