Dövlətə məxsus 4 səhmdar cəmiyyəti özəlləşdiriləcək
İqtisadiyyat Nazirliyi yanında Əmlak Məsələləri Dövlət Xidməti aprelin 8-də 4 səhmdar cəmiyyətinin səhm paketini, 111 nəqliyyat vasitəsini, texnika və avadanlıqları hərraca çıxaracaq.
Crossmedia.az bu barədə quruma istinadən xəbər verir.
Məlumata görə, hərracda iştirak edəcək şəxslər “Ağdaş Quşçuluq”, “Cəlilabad Şərab”, “Salyan broyler” və “Zaqatala Fındıq” səhmdar cəmiyyətlərini özəlləşidirə bilərlər. Onların nizamnamə kapitalı 368 620 - 1 120 118 manat arasında dəyişir.
Hərraclara çıxarılan nəqliyyat vasitələri əsasən Rusiya və Almaniya istehsalıdır. Avtomobillərin buraxılış tarixləri isə 1987-2015-ci illəri əhatə edir.
Hərraca çıxarılan dövlət əmlaklarının tam siyahısı ilə linki vasitəsilə tanış olmaq olar.
İştirak etmək istəyənlər “” və “” internet saytlarından hərraca çıxarılan əmlaklar üzrə seçim edə bilərlər.
18:16 12.03.2025
Oxunuş sayı: 715
