Xarici xəbərlər

Tramp: Zelenskini yenidən Ağ Evə dəvət edəcəyəm

ABŞ prezidenti Donald Tramp, Ukrayna prezidenti Volodimir Zelenskini yenidən Ağ Evə dəvət edəcəyini bildirib. O, eyni zamanda Rusiya ilə müharibənin dayandırılması üçün danışıqların davam etdiyini vurğulayıb.

Trampın sözlərinə görə, o, bu həftə Rusiya prezidenti Vladimir Putinlə danışmağı planlaşdırır. ABŞ lideri yaxın günlərdə tam atəşkəsin əldə olunacağına ümid etdiyini bildirib.

Crossmedia.az saytı xarici mediaya istinadən xəbər verir ki, Tramp Rusiyanı dayandırmadıqları təqdirdə müharibənin davam edəcəyini qeyd edib. O, həmçinin bildirib ki, əgər Putin atəşkəsə razılaşsa, bu, Ukraynadakı müharibənin çıxılmaz vəziyyətdən çıxmasına kömək edə bilər.

ABŞ prezidenti əlavə edib ki, bu gün və sabah Vaşinqton və Moskva nümayəndələri arasında görüşlər keçiriləcək. O, Rusiyanın atəşkəsə razılaşacağına ümid etdiyini qeyd edib.

Zeynəb Yunuszadə

🖨 Çap et

09:58 12.03.2025

Oxunuş sayı: 1701