Aİ və NATO Baş Qərargah rəisləri Parisdə toplantı keçirib
Fransanın paytaxtı Parisdə Avropa İttifaqı (Aİ) və NATO-ya üzv 30 ölkənin Baş Qərargah rəislərinin toplantısı keçirilib.
Crossmedia.az xəbər verir ki, görüşə Fransa Prezidenti Emmanuel Makron ev sahibliyi edib.
Türkiyəni toplantıda Baş Qərargah rəisi, ordu generalı Metin Gürak təmsil edib. Toplantıda mövcud geosiyasi inkişaflar, o cümlədən Rusiya-Ukrayna müharibəsində atəşkəsin təmin olunacağı təqdirdə Ukraynanın təhlükəsizliyinə hərbi dəstək verilməsi və regional təhlükəsizlik arxitekturasına dair ortaq yanaşmalar müzakirə edilib.
Görüş çərçivəsində müttəfiq ölkələrin müdafiə və təhlükəsizlik sahəsində əməkdaşlığının gücləndirilməsi məsələləri də diqqət mərkəzində olub.
02:29 12.03.2025
Oxunuş sayı: 12910
