Trampın siyasəti təəccübləndirməməlidir: Nələr edəcəyini illər əvvəl üç qəzetdə yazmışdı
"Səkkiz onillik ərzində ABŞ-nin digər demokratiyalarla ittifaqları bu ölkənin xarici siyasətinin, ticarət siyasətinin və mədəni təsirinin əsas dayağı olub. ABŞ-ın müttəfiqlərinin təhlükəsizliyinə yatırdığı sərmayələr əvvəllər qeyri-sabit olan bölgələrdə sülhü qoruyub saxlayaraq Almaniyadan Yaponiyaya qədər demokratik cəmiyyətlərin inkişaf etməsinə şərait yaradıb və onları yıxmaq istəyən yırtıcı avtokratiyaların qarşısını alıb".
Crossmedia.az xəbər verir ki, bu barədə BBC nəşri yazıb.
Bildirilib ki, müttəfiqlər sayəsində ABŞ Avropa və Asiyada misilsiz siyasi və iqtisadi təsir əldə etdi və dünyanın hər yerində görünməmiş gücə sahib oldu.
Qeyd olunub ki, ABŞ-dəki Donald Tramp administrasiyası İkinci Dünya Müharibəsindən sonrakı dövrü sona çatdırır: "Bu heç kəsi təəccübləndirməməlidir. Əksinə, bu, gözlənilən idi və hətta əvvəlcədən proqnozlaşdırılmışdı. Tramp ABŞ-nin ittifaqlarının yüksək dəyərini tənqid edərək, 1987-ci ildən bəri bu siyasətə qarşı açıq şəkildə çıxış edir. O, həmin il üç qəzetdə tam səhifə reklam alaraq, onilliklərdir ki, Yaponiya və digər ölkələr ABŞ-dan istifadə edir deyə iddia etmişdi. 2000-ci ildə isə yazmışdı ki, Avropadan geri çəkilmək bu ölkəyə hər il milyonlarla dollar qənaət etdirər.
Nabat Fərzəliyeva
13:30 10.03.2025
Oxunuş sayı: 9886
