Mark Karni Kanadanın yeni Baş naziri olacaq
Kanadada Mark Karni hakim Liberal Partiyasının yeni lideri seçilib.
Crossmedia.az xəbər verir ki, onun namizədliyini partiya üzvlərinin 85.9 faizi dəstəkləyib. Ümumilikdə səsvermədə partiyanın 400 minə yaxın üzvü iştirak edib.
Həmçinin liderlik uğrunda mübarizə aparan digər namizədlər arasında keçmiş maliyyə naziri və baş nazirin keçmiş müavini Xristiya Friland 8% səs, Kanada hökumətinin İcmalar Palatasında (parlamentin aşağı palatası) lideri Karina Quld isə 3% səs toplayıb.
Qeyd edək ki, Mark Karni Baş nazir postunu yalnız hazırkı baş nazir Castin Trüdo general-qubernator Meri Saymona istefa ərizəsini təqdim etdikdən sonra rəsmi olaraq tutacaq.
Fidan Xəlilova
11:23 10.03.2025
Oxunuş sayı: 14699
