Ermənistanın XİN rəhbəri Ararat Mirzoyan Hindistana rəsmi səfər edəcək
Ermənistanın xarici işlər naziri Ararat Mirzoyan rəsmi səfərlə Hindistana gedəcək.
Crossmedia.az xəbər verir ki, səfər çərçivəsində onun Hindistanın xarici işlər naziri Subrahmanyam Cayşankar ilə görüşü planlaşdırılır. Həmçinin Mirzoyanın Hindistan Beynəlxalq Münasibətlər Şurasında müzakirələrdə və digər tədbirlərdə iştirakı nəzərdə tutulub.
Həmçinin son illərdə Ermənistan və Hindistan arasında münasibətlər əhəmiyyətli dərəcədə inkişaf edir. 2021-ci ilin oktyabrında Hindistanın xarici işlər naziri ilk dəfə Ermənistana səfər edib. 2022-ci ilin aprelində isə Ararat Mirzoyan Hindistana işgüzar səfər çərçivəsində Nyu-Dehli və Mumbayda keçirilən biznes forumlarda iştirak edib. Son illərdə iki ölkə arasında ticarət dövriyyəsi əhəmiyyətli dərəcədə artıb.
Qeyd edək ki, Ararat Mirzoyanın Hindistana rəsmi səfəri ikitərəfli əlaqələrin daha da möhkəmlənməsinə və müxtəlif sahələrdə əməkdaşlığın genişlənməsinə töhfə verəcək.
Fidan Xəlilova
11:50 10.03.2025
Oxunuş sayı: 11801
