ABŞ-nin gizli xidmət agentləri silahlı şəxsi güllələdi
Amerikanın İndiana ştatından gəldiyi güman edilən silahlı şəxs bazar günü səhər saatlarında Ağ Ev yaxınlığında Gizli Xidmət agentləri ilə qarşıdurmadan sonra vurulub.
Crossmedia.az xarici mənbələrə istinadən bildirir ki, İndiana ştatından olduğu güman edilən silahlı bir şəxs bazar günü səhər saatlarında Ağ Ev yaxınlığında baş verən qarşıdurmadan sonra ABŞ Gizli Xidməti agentləri tərəfindən vurulub.
Gizli Xidmətin verdiyi açıqlamada gecə yarısı Ağ Evdən bir blok aralıda baş verən hadisə zamanı başqa heç kimin xəsarət almadığı bildirilib. Həmçinin hadisə baş verən vaxt ABŞ Prezidenti Donald Trampın Floridada olduğu qeyd edilib.
Gizli Xidmət yerli polisdən İndianadan Vaşinqtona səyahət edən və “intihara meyilli olduğu” iddia edilən bir şəxs haqqında məlumat alıb. Onun maşını və görünüşünə uyğun gələn bir şəxs yaxınlıqda tapılıb.
Gizli Xidmətin açıqlamasında deyilir: “Polis əməkdaşları yaxınlaşarkən həmin şəxs silahını onlara tuşlayıb və silahlı qarşıdurma baş verib. Bu zaman əməkdaşlar atəş açıb”.
Zəhra Ağayeva
21:12 09.03.2025
Oxunuş sayı: 9991
