Ukraynada SAMP/T sistemi ilə bağlı ciddi problemlər yaşanır
Ukraynaya hava hücumlarından müdafiə üçün göndərilən Fransız-İtalyan istehsalı SAMP/T sistemi ciddi texniki çətinliklərlə üzləşib.
Crossmedia.az xarici mediaya istinadən xəbər verir ki, sistemdə proqram təminatı ilə bağlı nasazlıqlar aşkarlanıb ki, bu da ballistik raketlərin uğurla vurulmasına mane olub. Eyni zamanda, Ukrayna qısa müddətdə SAMP/T-nin əsas sursatı olan “Aster” raketlərinin ehtiyatını tükədib, bu isə sistemin döyüş meydanındakı effektivliyini məhdudlaşdırıb.
Mütəxəssislər sistemin ABŞ-ın Patriot hava hücumundan müdafiə kompleksi ilə müqayisədə daha zəif performans göstərdiyini qeyd edirlər. Patriotun uğurlu müdafiə əməliyyatları fonunda, SAMP/T-nin etibarlılığı sual altına düşüb.
Sistemin istehsalçısı olan Eurosam şirkəti isə bu məsələyə hələlik rəsmi reaksiya verməyib.
Mədinə Cəlilova
20:18 09.03.2025
Oxunuş sayı: 11083
