ABŞ-nin vitse-prezidentindən Ukrayna ilə bağlı iddia: "Qızımı izləyirmişlər"
ABŞ-ın vitse-prezidenti Cey Di Vens bildirib ki, Ukraynapərəst etirazçılar "Slava Ukrayna" şüarları səsləndirərək onu və üç yaşlı qızını gəzinti zamanı izləyiblər.
Crossmedia.az xarici mətbuata istinadən xəbər verir ki, onun sözlərinə görə, etirazçıların davranışı qızının ciddi şəkildə qorxmasına səbəb olub. Buna görə də Vens onlarla danışmağa qərar verib ki, uşağını narahat etməyi dayandırsınlar.
"Bu gün 3 yaşlı qızıma baxarkən bir qrup etirazçı “Slava Ukrayna” şüarları ilə bizi izləyib və qışqırıb. Nəticədə qızım daha da narahat oldu və qorxdu. Mən etirazçılarla danışmağa qərar verdim, ümid edirdim ki, bir neçə dəqiqəlik söhbət qızımı rahat buraxmaları üçün kifayət edər. (Demək olar ki, hamısı razılaşdı). Bu, əsasən qarşılıqlı hörmət çərçivəsində gedən bir söhbət oldu, amma əgər siz siyasi etirazın bir hissəsi kimi 3 yaşlı uşağı izləyirsinizsə, deməli, pis insansınız," – deyə Vens X sosial şəbəkəsində yazıb.
Pərvin Hacıyeva
18:47 09.03.2025
Oxunuş sayı: 10793
