Xarici xəbərlər

İsrail və HƏMAS razılığa gələ bilmədi

İsrail və HƏMAS Ramazan ayında Qəzzada müvəqqəti atəşkəs razılaşması barədə razılıq əldə edə bilməyib.

Crossmedia.az xəbər verir ki, bu barədə İsrailin “Ynet” nəşəri məlumat yayıb.

“Ərəb mediasındakı iddiaların əksinə olaraq, İsrail və HƏMAS arasında Ramazan ayı üçün müvəqqəti atəşkəslə bağlı razılaşma yoxdur”, - nəşr mənbəyə istinadla məlumatına bildirib.

“Al Arabiya” telekanalı daha əvvəl İsrail və HƏMAS-ın atəşkəs rejimini Ramazan ayının sonuna qədər uzatmaq barədə razılığa gəldiyini iddia etmişdi.

Qeyd edək ki, İsrail Baş naziri Benyamin Netanyahunun ofisi martın ikisində bəyan edib ki, İsrail ABŞ xüsusi nümayəndəsi Stiven Uitkoffun Ramazan və Pesax bayramları müddətində atəşkəs planını qəbul edir. Daha əvvəl – yanvarın 15-də İsrail və HƏMAS Qəzzada əsir mübadiləsi və atəşkəs rejiminin tətbiqi ilə bağlı üç mərhələdən ibarət razılaşma əldə etmişdi. Bu razılaşmanın birinci mərhələsi 19 yanvarda qüvvəyə minib və martın birində başa çatıb. İlk mərhələdə 33 israilli əsir qaytarılıb, İsrail isə 1500-dən çox fələstinlini azad edib.

Məlumata görə martın yeddisində Misirin dövlət informasiya xidməti HƏMAS rəhbərliyinin Qahirəyə gəldiyini və atəşkəs razılaşmasının icrası, eləcə də ikinci mərhələnin müzakirəsinə başladığını açıqlayıb.

🖨 Çap et

14:30 09.03.2025

Oxunuş sayı: 1338