Çin və Qazaxıstan Avropaya yükdaşımada yeni dəmir yolu marşrutunu işə saldı
Çin və Qazaxıstan Avropaya yükdaşımada yeni dəmir yolu marşrutunu işə saldı
Çin və Qazaxıstan Rusiya ərazisindən keçməyən yeni dəmir yolu marşrutunu istifadəyə verib. Yeni xətt yüklərin Asiyadan Avropaya alternativ marşrutla daşınmasına imkan yaradacaq. Bu barədə Qazaxıstan Dəmir Yollarının mətbuat xidməti məlumat yayıb.
China Railway Container Transport (CRCT) şirkəti ilə birgə reallaşdırılan bu layihə çərçivəsində konteyner qatarları Çindən yola düşərək Türkmənistan, Qazaxıstan, İran və Türkiyə üzərindən Avropaya çatdırılacaq. Bu marşrut Rusiya ərazisindən yan keçərək daşımaların diversifikasiyasına töhfə verməklə yanaşı, Mərkəzi Asiya və Orta Dəhliz üzərində yükdaşımaların həcmini artırmağı hədəfləyir.
Yeni marşrut üzrə ilk yük qatarı Çinin Çendu şəhərindən Polşanın Lodz şəhərinə yola düşüb. Qatarın səfəri təxminən 40 gün davam edəcək.
Bu dəhlizin işə salınması Asiya və Avropa arasında ticarət əlaqələrinin güclənməsinə xidmət etməklə yanaşı, region ölkələrinin tranzit potensialını artırmaq baxımından strateji əhəmiyyət daşıyır.
Nigar Yahyazadə
17:45 05.03.2025
Oxunuş sayı: 11726
