ÜST rəsmisi: ABŞ-ın çıxma qərarı əsas proqramlara mənfi təsir göstərəcək
ÜST-ün Rusiya ofisinin rəhbəri Batır Berdıklçev TASS-ə verdiyi müsahibədə bildirib ki, ABŞ-ın təşkilatdan çıxma qərarını yenidən nəzərdən keçirməsi ehtimalı var.
Crossmedia.az-ın xarici mediaya istinadən xverdiyi xəbərə görə, Berdıklçev qeyd edir ki, hazırda ÜST 194 ölkəni özündə cəmləyir və ABŞ-ın maliyyə dəstəyinin olmamasına baxmayaraq fəaliyyətini davam etdirir. Lakin, qərarın qəbul edilməsi ilə Vaşinqton tərəfindən dəstəklənən bir sıra proqramlar risk altında qala bilər.
“Əsas narahatlıq tuberkuloz və HIV ilə mübarizədə, polionun aradan qaldırılmasında, eləcə də ana və uşaq sağlamlığı və fövqəladə hallar üzrə proqramlarda yaranacaq maliyyə kəsintiləridir. Təəssüf ki, yardıma ən çox ehtiyacı olan icmalar və ölkələr bu kəsintilərdən ən çox zərər görəcək,” – deyə Berdıklçev əlavə etdi.
Bu açıqlama ÜST-ün qlobal səviyyədə aparılan fəaliyyətlərinə baxmayaraq, ABŞ-ın çıxma qərarının proqram təminatına təsirinin ciddi ola biləcəyini göstərir.
Mədinə Cəlilova
20:42 04.03.2025
Oxunuş sayı: 627
