ABŞ silah yardımını dayandırdı: Ukrayna parlamenti Trampa mesaj göndərdi
ABŞ-ın Ukraynaya silah yardımını dayandırmasının ardından Ukrayna parlamenti rəsmi bəyanat yayıb.
Crossmedia.az xarici mediaya istinadən xəbər verir ki, bəyanatda ABŞ-ın Ukraynanın strateji tərəfdaşı olduğu vurğulanıb və Vaşinqtona göstərdiyi dəstəyə görə təşəkkür edilib.
Trampa və Konqresə Təşəkkür
Ukrayna parlamentinin rəsmi internet saytında dərc olunan bəyanatda bildirilir ki, Ukrayna xalqı adından ABŞ prezidenti Donald Trampa, ABŞ Konqresinə və Amerika xalqına ölkənin ərazi bütövlüyü və suverenliyinə verdikləri dəstəyə görə minnətdarlıq ifadə olunub.
Bəyanatda ABŞ-ın beynəlxalq arenadakı liderliyinin azadlıq və demokratiya prinsipləri ilə ayrılmaz şəkildə bağlı olduğu qeyd edilib. Ukrayna tərəfi Vaşinqtonun konkret dəstəyinin ölkənin təhlükəsizliyi üçün mühüm əhəmiyyət daşıdığını və bu dəstəyin davam etməsinin vacib olduğunu vurğulayıb.
Strateji Əməkdaşlıq Çağırışı
Ukrayna parlamenti ABŞ-ın sülh danışıqları prosesində təşəbbüslərini alqışladığını bildirib. Eyni zamanda, xüsusilə kritik mineral resursların kəşfiyyatı sahəsində ABŞ-la strateji əməkdaşlığın daha da inkişaf etdirilməsinin zəruriliyi qeyd edilib.
20:39 04.03.2025
Oxunuş sayı: 10341
