Rusiya Baş nazirinin müavini: "Heydər Əliyev öz adını BAM-ın yaradılması tarixinə "qızıl hərflərlə" yazıb"
Heydər Əliyevin rəhbərlik etdiyi Baykal-Amur Magistralının (BAM) tikintisi Rusiya iqtisadiyyatında bu gün də böyük rol oynayır.
Bunu Moskva meri Sergey Sobyanin Rusiya paytaxtında Heydər Əliyevin abidəsinin qoyulacağı yerdə xatirə lövhəsinin açılış mərasimində deyib.
"Ötən il Rusiya böyük yubiley - Sovet İttifaqının ən möhtəşəm tikintilərindən biri olan və bu gün də ölkəmizin iqtisadiyyatında böyük rol oynayan BAM-ın inşasına başlanmasının 50 illiyini qeyd edib. Bu il BAM İnşaatçıları Birliyi Heydər Əliyevə abidə qoyulması xahişi ilə müraciət edib. Rusiya Federasiyası Hökuməti, Rusiya Dəmir Yolları bu xahişi fəal şəkildə dəstəkləyib. Moskva Şəhər Dumasının Komissiyası bu xahişi dəstəkləmək qərarına gəlib. Mən isə bu gün burada, Azərbaycan səfirliyinin yanındakı bağda Heydər Əliyevin abidəsinin ucaldılması haqqında sərəncam imzaladım”, - o bildirib.
Rusiya Baş nazirinin müavini Vitali Savelyev qeyd edib ki, Heydər Əliyev öz adını BAM-ın yaradılması tarixinə “qızıl hərflərlə” yazıb. O, SSRİ Nazirlər Sovetinin adından bu tikintiyə nəinki rəhbərlik edib, hətta həmin layihə ilə yaşayıb.
“Mən bu gün həyatlarının çox hissəsini bu tikinti layihəsinə sərf etmiş BAM veteranlarını salamlamaqdan çox məmnunam. Bu, bizim üçün əlamətdardır. Biz BAM-ın tikintisini artıq yeni tərkibdə davam etdirəcəyik. Çünki bu tikintinin, dəmir yolunun ölkəmiz üçün əhəmiyyətini yenidən qiymətləndirmək çətindir. Heydər Əliyevin əbədi xatirəsi xalqımızın qəlbində daim yaşayacaq”. (Report)
16:31 04.03.2025
Oxunuş sayı: 408
