Ağ Evin icazəsi olmadan hava zərbələri endirilə bilər
ABŞ-nin prezidenti Donald Trampın administrasiyası yüksək rütbəli hərbçilərə Ağ Evin razılığı olmadan terrorçu kimi tanınan hədəflərə hava zərbələri endirmək səlahiyyəti verən yeni qaydaları təsdiqləyib.
Crossmedia.az xəbər verir ki, bu barədə xarici KİV yazıb.
Mənbənin sözlərinə görə, ABŞ ordusunun səlahiyyət və avtonomiyasının genişləndirilməsi terrorizmlə mübarizənin effektivliyini artırmaq üçün zəruri hesab edilib. O, Co Baydenin administrasiyasının hərbi komandanlığın sərbəstliyini həddindən artıq məhdudlaşdırdığını və bunun terror təhlükələrinə gec reaksiya verilməsinə səbəb olduğunu bildirib.
Qeyd edək ki, hava zərbələri ilə bağlı məhdudiyyətlərin yumşaldılması ABŞ ordusunun Meksika sərhədinə göndərilməsi və Tramp administrasiyasının terrorizmlə mübarizəyə yönəlmiş genişmiqyaslı addımları fonunda baş verir. Narkokartellərin terror təşkilatları kimi tanınması və yeni qaydalar sayəsində hərbi komandanlıq bu qruplara qarşı hava zərbələri endirmək üçün daha sadələşdirilmiş prosedurlardan istifadə edə biləcək.
Xumar Əhmədova
11:07 04.03.2025
Oxunuş sayı: 8332
